كارثه وفضحيه يكشفها احد شهود العيان وما حدث بالدم المتبرع بيه للمصابيين

النهارده كان يوم صعب جدا .ويمكن فى مشاهد لأول مرة فى حياتى اشوفها حصلت قدام عنيا.....

بس اكتر مشهد عمره ما هيفارق دماغى الآتى و هو أن بعد م الإنفجار حصل و الناس راحت على المستشفيات الرئيسية ( جامعة. فرنساوي. أمريكان. منشاوى )
طبعا كل مستشفى محتاجة أكياس دم عشان المصابين إصابات خطرة و معظمهم اصلا اتنقل القاهرة و شبين لعدم توفر الأجهزة و الأقسام و كده.
انا انهارده شفت ناس من كل شكل و لون جاية عشان تتبرع ولا مسيحى ولا مسلم ولا طويل ولا قصير ولا ست ولا راجل كله جاى عشان يتبرع للمصابين. و ركز على حتت مصابين دى قوى.
المهم كل الناس أتبرعت و كل المستشفيات تلاجتها اكتفت و قالت خلاص احنا مش عايزين. بس الناس لسه بتيجى.
هنا بقى المشهد.
بنك الدم قام باعت عربياتة و هوب الجامع اللى جنب مستشفى المنشاوى اتفتح ويلا اسحب استمارة و اتبرع بالدم
.
رجالة و حريم شباب ثانوية عامة ولاد أكابر وولاد بوابين.
كلة بيتسحب منه دم عشان المصابين و المسلمين كانوا اكتر من المسيحين و دا اللى يثبتلك أن كله واجعة واحد بس هو فى الأصل بياخد الدم دا عشان يبيعة للمصابين بمقابل كيسين fresh أو 450 جنية على حسب التسعيرة الجديده.
و أما جينا نفضحهم الناس كلها قالت احنا جايين للمصابين و مش لبنك الدم .
بس كا بعد ما ساحبوا ما لايقل عن 3000 كيس دم و اتحملوا فى العربية و راحوا على البنك. و الاسم انهم للمصابين.
الناس اللى تاجرت بدم الناس الغلابة دى هى هى الناس اللى فجرت هى هى الناس اللى جوعتنا و خلتنا نعض فى بعض بس مين يفهم.